کپاس کے لئے کیسی زمین بہتر ہے؟
کپاس میراو بھاری میرا زمین میں بہتر پیداوار دیتی ہے۔ چکنی اور سخت زمینوں میں کپاس کی جڑیں زیادہ گہرائی تک نہیں جاسکتیں جس کے نتیجے میں کپاس کے پودے چوٹے رہ جاتے ہیں اور مجموعی طور پر کم پیداوار حاصل ہوتی ہے۔ ریتلی اور کمزور زمینوں میں کپاس ہوجاتی ہے۔ لیکن اس کی بھر پور پیداوار حاصل نہیں کی جاسکتی ۔ کلر اٹھی وسیم زدہ اور سخت اندورنی تہہ (Hard pan) والی زمین میں اس کی پیداوار بری طرح متاثر ہوتی ہے۔ سخت تہہ والی زمینوں میں ہر تین سال بعد گہراہل چلایا جائے تو کپاس کی جڑیں زیادہ گہرائی تک جاسکتی ہیں۔
کس حد تک زمین تیار کی جائے؟
زمین کو ہموار اور باریک کر کے کپاس کاشت کی جائے تو بہتر اگاؤ دستیاب ہوتا ہے کپاس کی موٹی جڑ (Taproot) کے گہرائی تک جانے کے لئے گہرائی تک زمین کاشت کرنے کی سفارش کی جاتی ہے۔ جہاں زمین کم گہرائی تک تیار کی جاتی ہے وہاں کپاس گرنے کے امکان زیادہ ہوتے ہیں۔ یکساں اگاؤ کے لئے زمینی ہمواری اور باریک تیاری بنیادی اہمیت کی حامل ہیں۔چنا نچہ لیزسے ہموار کردہ زمینوں میں اگر دوہری رونی کرکے ڈرل سے کاشت کی جائے تو کپاس کا اگاؤ بہتر ہوتاہے۔ میرا ور ہلکی زمینوں میں سنگل رونی یا بارش کے وتر میں ڈرل کی جائے تو اس کا اگاؤ کم ہوتاہے۔ پٹٹریوں میں کاشت کی صورت میں بھی لیزر لیو لنگ کی سفارش کی جاتی ہے۔ اچھی طرح خشک کی گئی زمین میں پٹٹریوں یاکھیلیوں پرکاشت کی جائے تو ا س کا اگاؤ بہتر ہوتاہے۔
کلر اٹھی زمین پر کاشت:
اگرچہ کپاس صحت مند اور کلر تھور سے بچی ہوئی زمین میں بہتر پیداوار دیتی ہے۔ تھور سے متاثرہ زمین میں کپاس اچھی نہیں ہوتی لیکن پنجاب میں کپاس کے خطے (Cotton zone) میں لاکھوں ایکڑ زمین تھور سے متاثرہ ہے اور ہر سال مجبوراً ایسے علاقوں میں بھی کاشت کی جاتی ہے۔ ایسی زمینوں میں کپاس کی بہتر پیداوار حاصل کرنے کے لئے مندرجہ ذیل تدابیر اختیار کی جاسکتی ہیں:
- ڈرل سے کاشت کے بجائے پٹٹریوں یا کھیلیوں پر کاشت کا طریقہ اختیار کیاجائے۔
- چوکے لگانے کے دوران ہر سوراخ میں تین چار بیج کاشت کرکے مناسب اگاؤ حاصل کیاجائے۔ پودے سنبھل جانے کے (کاشت کے تین ہفتے) ہر چگہ ایک یا دودو پودے چھوڑ کر فالتو پودے نکال دیے جائیں۔
- ایسی ز مینوں میں زیادہ کھادیں استعمال کرنے کی سفارش کی جاتی ہے۔ کھادوں کا استعمال تین یا زیادہ مرتبہ قسط وار (Split) کرکے کیاجائے۔
- خراب زمین میں تھور برداشت کرنے والی سخت جان قسم مثلاً ایم این ایچ 886 اور الیف ایچ 113 کاشت کی جاسکتی ہیں۔
- ایسی زمینوں کے سوراخ (Pore spaces) بند ہوتے ہیں اس لئے پانی جلدی جذب کرتیں۔ زمینی سورا۔ خوں کو کھولنے اور ہواداری (Aeration) کا انتظام بہتر کرنے کے لئے اصلاحی مرکبات استعمال کئے جائیں۔
- اس مقصد کے لئے یوایس 20 یا فونڈیشن پنس یا ان کے متنادل اصلاحی مرکبات کاشت کے وقت یا پھول آوری سے پہلے پہلے کسی بھی وقت کیا جاسکتا ہے۔
- کاشت سے تین ہفتے پہلے سبز کھاد والی فصل زمین میں دبائی جائے تو جڑوں کی ہواداری کا نظام بہتر ہوجاتا ہے۔
- کھالیوں میں جپسم اور گوبر کی کھاد ڈال کر تھور کے مضر اثرات سے بچ کر کپاس کی کامیاب کاشت کی جاسکتی ہے۔
- ٹیوب ویل کے کم موزوں یاناموزوں کے پانی کے ساتھ بہری پانی کابندوبست کیاجائے۔ کلر اٹھی زمینوں میں فالتو پانی سے شدید نقصان ہوسکتاہے۔ اس لئے فالتو پانی کے نکاس کا جلد از جلد انتظام کیاجائے۔
ایک تبصرہ شائع کریں