غذائی اجزاء کی مینیجمنٹ
بِسمِ اللّہِ الرّحمٰنِ الرّحِیم
موضوع:فاسفورس
السلامُ علیکم!
آج ہم فاسفورس کے موضوع میں Mineralization/Immobilization پر بات کریں گے. ہماری مجبوری ہے کہ ہمیں انگلش کے الفاظ لکھنے پڑتے ہیں اور پھر انکو آسان سے آسان طریقے سے سمجھنانے کی کوشش کی جاتی ہے کے جو علم کی کتابیں ہیں وہ زیادہ تر انگلش میں ہی لکھی اور پڑہائی جاتی ہیں۔ میں کم پڑھے لکھے کاشتکاروں سے مخاطب ہوں کے جب ہم فاسفور کا سوچتے ہیں تو ایک قسم ہمارے پاس قدرت کی طرف سے فری میں ملی ہے۔ گوبر کی صورت میں اور فصلوں کی باقیات کی صورت میں کے جو ہم جلا دیتے ہیں یا ڈالتے ہی نہیں۔
جیسے ہی آپ یہ چیزیں فصل میں ڈالتے ہیں تو یہ نامیاتی مادہ گوبر یا فصلوں کی باقیات زمین میں موجود نظر نا آنے والے ان گنت مزدور جو اللہ نے زمین کو زندہ رکھنے کیلے پیدا کئے ہیں یہ ان کی خوراک بنتے ہیں۔ وہ انہیں گلاتے سڑاتے ہیں اور اس عمل کے دوران فاسفورس کی ایک شکل فاسفیٹ میں تبدیل ہو کر پودوں کو جا ملتی ہے اس عمل کو منرالائزیشن Mineralization کہتے ہیں جیسے عام کسان نہیں جانتے۔ اسی طریقہ کار کو بہتر سے بہتر طریقے سے سمجھنے کیلئے اس وقت سب سے اہم ’’فرمینٹر‘‘ ہے. فرمینٹر کیا ہے اس کی تفصیل پہلے پوسٹ کر دوں پھر منرالائزیشن کی طرف بڑھتے ہیں۔
فرمینٹر کیا ہوتا ہے؟
فرمینٹر ایک حوض نما گڑا ہوتا ہے جس میں ہم گوبر یا سبزیوں کی باقیات ڈال کر اس کی ڈی کمپوزنگکرواتے ہیں۔
نوٹ
1۔اگر آپنے فرمینٹر بنانا ہے تو جتنی گوبر یا بائیو ماس آپ کے پاس موجود ہے اس کے حساب سے لمبائی چوڑائی رکھیں۔
2۔ہو سکے تو گول بنائیں کیونکہ پانی سرکل کرتا رہتا ہے اور ڈی کمپوزنگاچھی ہوتی رہتی ہے۔
3۔اس جگہ بنائیں جہاں سے زیادہ سے زیادہ آپ کا رقبہ اس پانی سے سیراب ہو سکے۔
4۔زمین سے اوپر ہو تو اور بھی بہتر ہے صافائی کرنے میں آسانی ہوتی ہے مگر زمین میں ہے تو بھی ٹھیک ہے۔
5۔گوبر ڈال کر پانی اور گوبر اور ساتھ بکٹیریا کم از کم ایک یفتہ تک اس فرمینٹر کو ویسے ہی رہنے دیں پانی کم ہو تو اور ڈال دیں مگر فلڈ ایک ہفتہ بعد کریں تو اچھا ہے۔
6۔ٹیوب ویل کے پانی کا 30%سے زیادہ فرمینٹر سے نا گزاریں تھوڑا تھوڑا کر کے ایک سائیڈ سے ڈالیں اور اتنا ہی دوسری سائیڈ سے نکلتا رہے۔
7۔گوبر دو تین پانی لگانے کے بعد جتنی نکل جائے نکل جائے جو رہ جائے چوتھے سے پانچویں پابی پر اس کو کسی طرح نکال دیں ہلا ہلا کر یا ٹیوب ویل کا زیادہ پانی گزار کر اور پھر گوبر ڈال دیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اس میں ہوتا کیا ہے صرف منرالائزیشن اور کچھ نہیں جب کچھ دن تک گوبر وغیری اس حوض میں پانی کے ساتھ رہتی ہے تو گلنا سڑنا شروع ہو جاتی ہے۔ جب یہ عمل تیز ہوتا ہے تو اس میں سے خوراک کے اجزاء جن میں
۱۔نائٹروجن
۲۔فاسفورس
۳۔پوٹاشیم
۴۔کیلشیم
۵۔میگنیشیم
۶۔سلفر
۷۔بوران
۸۔کاپر
۹۔زنک
۱۰۔مینگنیز
۱۱۔مولیبڈینیم
۱۲۔کلورائین
۱۳۔آئرن
۱۴۔نکل
یہ چودہ کے چودہ غذائی اجزاء زمین میں فرمینٹر کے زریعے پودے تک پہنچتے ہیں جس میں فاسفورس بھی ہوتی ہے اور ساتھ ساتھ بہت سے ایسے اجزاء جن کی شاید ابھی تحقیق ہی نہیں ہو سکی۔ سب سے اچھا اور بہترین طریقہ یہی ہے جس کو اپنانے سے فاسفورس کی مقدار بھی پوری ہو گی اور عام کسان کی زندگی میں بھی سکون اور بہتری آئے گی۔ اگلی پوسٹ میں Immobilization پر بحث کریں گے اور آگے بڑھیں گے یہ پوسٹ کافی لمبی ہو گئی ہے
’’آگے بڑھو کسان‘‘
منجانب:کسان گھر
پاکستان کی تمام دریاؤں کے کناروں کیساتھ 5 کلومیٹر اور نہروں و دیگر آبی گزر گاہوں کے کناروں کےساتھ 2 سے 3 کلومیٹر تک علاقائی و موسمی مناسبت سے مسلسل باغات لگائے جائیں۔ اپنی خوارک میں کڑاھی گوشت اور برگر شوارموں کی بجائے فروٹس کا استعمال بڑھائیں۔۔۔۔
منجانب
#پروجیکٹ-فروٹ-اوسسز
خالد تارڑ
ایک تبصرہ شائع کریں